Team

Léiert eis kennen:

WhatsApp%2520Image%25202021-05-23%2520at
unbenannt-441.JPG
WhatsApp%25252520Image%252525202021-05-2

Alicia Franco

Hondserzéiungs & Verhalensberoderin, Assistenzhondserzéierin, Veterinärmedezinesch Fachugestallten, déiereschutzqualifizéiert Trainerin

Tina Traversini

Grënnerin vun Hond-sinn, Hondserzéiungsberoderin, Déierendoktesch,
Treibballtrainerin

Rachel Godefroid

Hondserzéiungsberoderin an Ausbildung,
Léierbeoptragten,
Assistenz- an Therapiebegleethondteam

méi Infoen
 

Tina Traversini

“Die reinste Form des Wahnsinns ist es, alles beim Alten zu belassen und zu hoffen, dass sich etwas ändert.” Albert Einstein

Foto: Luisa Zenner
Foto: Luisa Zenner

Foto: Luisa Zenner
Foto: Luisa Zenner

Foto: Luisa Zenner
Foto: Luisa Zenner

Foto: Luisa Zenner
Foto: Luisa Zenner

Hallo léif Hondsfrënn,
Mäin Numm ass Tina Traversini.
Déieren a virun allem Hënn hu schon ëmmer eng grouss Roll a mengem Liewe gespillt. Ech si mat Schéiferhënn opgewuess an interesséiere  mech och säitdeem fir Hondstraining. Scho mat 10 Joër sinn ech mat eise Muppen op den Hondsterrain gaang. Ech wollt méi iwwer Hënn an Hondstraining wëssen. Ech hu vill Bicher iwwer Hënn gelies an no der Première ugefaang eemol am Mount interessant Seminarer iwwer Hënn, Training an Erzéiung ze besichen. Duerch Zoufall sinn ech 2011 beim Jan Nijboer (Begrënner vun Natural Dogmanship®) gelant an hu bei him d’Ausbildung fir Hondserzéiungsberoderin gemaach, dei ech Enn 2012 erfollegraich ofgeschloss hun. Do hunn ech geléiert a begraff dass et e groussen Ennerscheed zwëschen Hondstraining/Dressur an Hondserzéiung gëtt. Hondserzéiung ass daat woumat ech mech och zënterhier beschäftegen a woubäi ech aner Léit ennerstëtze wëll.
Ech hun dofir Enn 2012 ,,Hond-Sinn,, gegrennt an Ufank 2014 hun ech dësen Hobby zum Beruff gemaach.
Ech hun ausserdeem am März 2014 mäi Studium als Déierendoktesch erfollegraich ofgeschloss, waat mer d’Méiglechkeet gëtt, méi ganzheetlech ze schaffen an zum Beispill och krankheetsbedëngten Verhalensprobleemer ze erkennen.
Ech hunn de Moment 2 eegen Hënn (Baja + & Quinta), vun deenen ech all Dag dobäi léieren.

 

Alicia Franco

“You become responsible, forever, for what you have tamed.”
Antoine de Saint-Exupery

Moien léif Muppefrënn!

Mäi Numm ass Alicia Franco, ech sin am Team vun Hond-sinn sait 2018.

Aus méngem Elterenhaus hunn ech eng grouss Léift vir d‘Natur an d‘Déierewelt matgeholl, mee speziell fir Wëllef an Hënn hunn ech eng grouss Leidenschaft entwéckelt.

Hënn gehéieren zu méngem Liewe säit ech 9 Joer hunn, mee richteg ugefangen huet alles 2010 mat méngem 1. eegenen Hond, dem Ella, dat ech deemols an en Asyl siche war. Hatt war e ganz ängstlechen, onerfuerenen a gläichzäiteg terribel virwëtzegen an intelligente Mupp, an ech war oft onsëcher, ob mär dann elo zu engem Team kéinnte ginn.

Ech hu Bicher gelies, mech vill mat Hondstraining an Hondssport beschäftegt a wollt ëmmer méi wëssen, mär Verhalensweisen erkläre kënnen, verstoe wat an him virgeet. Mär hunn eis zesummen entwéckelt, mäin Intressi huet sech ausgebreet, an ech hunn irgendwann ugefange mech fir d‘Ausbildung vun Assistenzhënn ze interesséieren.

Iwwert eng Associatioun hunn ech dunn den Erik Kersting kenne geléiert vum „Hundezentrum canis familiaris“ bei Aachen. Während zwee Joer hunn ech eng ganz aner, empathesch Philosophie Hënn ze erzéien kenne léieren dierfen, déi den Hond net méi als Sportgerät, Plüschdéier oder Accessoire gesinn huet. Ufank 2017 hunn ech dunn bei him d‘Ausbildung ofgeschloss zur Hondserzéiungs- an Verhalensberoderin an paralell och zur Assistenzhondserzéierin. Ech hunn außerdem am Mee 2017 eng Prüfung duerch de Messerli Forschungsinstitut vun der veterinärmedizinëscher Uni zu Wien bestanen a sinn als déiereschutzqualifizéiert Trainerin zertifizéiert.

Am Moment si méng Léiermeeschter d‘Ella an de Kyubi a suergen dofir, dass ech virwëtzeg bleiwen an all Daag weider Erfahrunge sammelen dierf.

 

Rachel Godefroid

„Um klar zu sehen, reicht oft ein Wechsel der Blickrichtung.“
Antoine de Saint-Exupéry

Hallo léif Muppemënschen, mäin Numm ass Rachel Godefroid, ech sin am Team vun Hond-sinn säit 2021. Ech si mat ville Kazen, Villercher, Kanéngercher, Inten, Fësch an Hënn opgewuess an hunn doduerch scho fréi e grousst Interesse un Déieren entwéckelt, mee ganz besonnesch den Hond huet mir et ugedoen. Mat 15 Joer krut ech mäi laang ersehnten eegene Mupp, de Snoopy. Mir hu gemeinsam eis Erfarungen an Hondsschoule gemaach, Agility kennegeléiert a sinn duerch déck an dënn gaangen. Och meng Studienzäit huet de Snoopy beaflosst. Duerch hien hunn ech net nëmme Germanistik, mee och méi an der Pädagogik wollte léieren a mir hunn dunn gemeinsam zu Tréier e Master of Arts ofgeschloss. Nodeems ech ganz vill Hondsbicher gewälzt hat, war ech mat 22 Joer prett en zweeten Hond opzehuelen. D’Mel war awer ganz anescht ewéi de Snoopy a vill Saachen, déi mam Snoopy geklappt hunn, hu beim Mel net funktionéiert. No villem Liesen a Sichen hu mer d’Tina fonnt an duerch Hond-sinn hunn ech dann och di wonnerbar Art a Weis vu Natural Dogmanship kennegeléiert, di mer erméiglecht huet och d’Mel ze verstoen. Net laang drop hunn ech d’Ausbildung beim Jan Nijboer ugefaangen, déi ech eigentlech am Oktober 2021 sollt ofschléissen, mee wéinst dem COVID-19-Virus huet sech alles e bëssen no hanne verschiibt. Ech hunn eng Ausbildung zum Assistenz- an Therapiebegleithundeteam gemaach a si mam Mel reegelméisseg op de Nossbierg gaangen. Momentan begleede mech d’Mel an d’Enjy a si brénge mir all Dag ganz vill nei Saache bäi. Ech freeë mech drop mat Iech zesummenzeschaffen.

 

Aus- an Wéiderbildungen

Et ass fir eis selbstverständlech och no eiser Ausbildung reegelmeisseg Formatiounen zum Thema Hond ze besichen fir eist Wëssen ze verdéiwen, Austausch mat Fachkollegen ze hunn an um aktuellen Stand ze bléiwen

2008 – 2021

Tina Traversini

-2008-2013: Veterinärmedezin/JLU Giessen

-2008-2010 ,,Hunde, Katzen & Pferdepsychologie,, bei Animalmundi

-2010 Tellington Touch Seminar/Silvia Weber

-2011-2012 Ausbildung zur Hondserzéiungsberoderin bei Natural Dogmanship ©

-2012 Treibball-Trainer-Seminar/Jan Nijboer

-2013 Mantrailing-Seminar/Sabine Ernst

-2012-haut reegelmeisseg Wéiderbildunge bei ënnerschiddlechen Dozenten 

2017 – 2021

Alicia Franco

-

Detailer

2019 – Juni 2021

Rachel Godefroid

-

Detailer